1分鐘看懂《釋法點樣破壞法治》

法政
2016 年 11 月 04 日

作者:

文章短網址:

分享

法治係「有法可依」,「法律面前人人平等」,「冇人可以凌駕法律」等等。

即使你係(多少或少數)反對黨,法律寫咗你合資格就合資格,有權就有權。人人都係跟住法律行事,法律話咁樣做都ok,我先會咁樣做。如果唔係,我做咗你先話唔ok,我咪中伏?

但當有人認為,根據法律,其實你應該係冇資格/冇權嘅,我哋就要一個政治中立,用平常合理角度解讀法律嘅裁判——哩個人就係司法。

其他文章:回到最初的起點:人大無權自行釋法(區家麟)

其他文章:宣誓玩出火 釋法避不了?(梁美儀)

其他文章:唔識法,點釋法?香港為何淪落如此?(呂秉權)

例如法律話打人犯法,理應係無論你打邊個都犯法。就算你係「犯眾憎」,都應該受到法律保障。

但如果交俾一個有政治目的嘅人釋法,就可以解釋到話「犯眾憎嘅唔係人,所以打佢哋唔算打人,所以唔犯法。」

有政治立場嘅人釋法,唔洗跟從「平常合理解讀」,只需要達到自己嘅政治目的。

簡單黎講,就係法律寫乜都唔係常人可以理解,而係隨住佢哋嘅政治立場而隨便改變。只要你喺「犯眾憎」,或者解釋法律嗰個覺得你「眼冤」,你就冇保障。

咁樣嘅「法」,根本唔係「法」,係佢想點就點,完全唔係「有法可依」。

就算法律裏面有釋法哩個機制,個問題仍然存在,仍然係任佢(隨住自己嘅政治立場)解釋,實質上仍然係「佢想點就點」。

其他文章:起跑線不斷後推 特首又豈能有好開局?(蔡子強)

其他文章:蒜頭‧中立‧胡官(區家麟)

大家要記住,今日,可能你唔係佢眼中嘅「犯眾憎」;但係邊個可確保,他朝不會君體也相同?君不見某個國度,多少曾經在政壇當紅嘅,宜家都淪為階下囚?多少平民就算唔掂政治,但係仔女飲咗毒奶粉,屋企俾人拆咗,想用法律討回公道,但又俾法律套上莫須有嘅罪名?

不過更加可怕嘅,係宜家話要釋法嗰個人,係完全冇公平性同問責性。你冇權喺佢面前申述你嘅理據,冇得上訴,冇得用選票踢佢走。

即係你注定有冤無路訴呀。

文:法政匯貓@法政匯思

其他文章:崔順實門-對於思想、民主、宗教的衝擊(伍麒匡)

其他文章:生涯規劃教育的再思──以「斜號青年」為例(周子恩)

在這歪理當道的時代,我們一群法律界人士決定放下業界內事務律師及大律師的區分,團結地匯聚一起為捍衛法治、司法獨立、民主、人權、自由、公義等核心價值發聲。我們會利用我們的法律專業及思維,以不同的方式在社會及社區廣傳這些核心價值。 維護法治精神、關心政制政事、匯集業界人士、廣傳進步思維。我們就是 《法政匯思》。