先輸後贏

十幾廿年前,香港人講起李超人都會豎起手指公,至少連《大時代》都唔會踩佢咩地產霸權,重幫佢塑造一個好正派、唔貪污、又會幫到主角阿博嘅角色,叫韋家誠。

但人性貪婪總係好易無所遁形,唔使五十年,乜嘢都變晒,大家只會記得佢個孔明Look,又或者嗰啲孔明「奇則」,軍師你真係「算無遺策」呀!

其實當個朵去到呢個位,有咩Celeb黐埋去,真係「兩家人、一條命」,「死都同你死埋一齊」。

呢次麥兜唔係再幫政府做API,而係幫霸權去改善形象。

嘩,以前啲麥兜故事、電影,總係懷念過去的點點滴滴、老街小店的人情味。

一個華麗轉身,今次走入連鎖店,然後享受經濟成果、家肥屋潤。

一班老讀者似乎會輕嘆:「睇住佢大,睇住佢壞。」

啲人都肯肯定要鬧爆麥兜,可憐小豬搭上沉船,你估百佳同麥家碧怕唔怕?

我估,怕你有牙咩?

先輸後贏

(相片來源:百佳超級市場廣告截圖)

呢個廣告,唔係俾老讀者睇,係俾小朋友睇。

思想教育呀!

你或者唔覺,以前老麥啲廣告,咩「秒秒鐘歡聚歡笑」,其實都係要喺小朋友心目中塑造緊一個開心樂園天地,所以而家至有咁多學生哥鍾意老麥。

百佳而家唔係打緊你哋班老鬼嘅市場,係打緊未來十年呀!

唔信呀?你試下問細路仔,問佢哋鍾意去街市定係去超市?本來個答案就已經呼之欲出,再加埋呢D開心洗腦教育,肯定更加「識揀」。

至於去超市去邊間?一間就Sell緊老夫老妻七十年,另一間sell緊細路童心,你話0勒。

作者:LJ

不想錯過廣告狂人文章,可Click我們這個專頁的like掣,再點選「接收通知/Get Notifications」。

follow 廣告狂人instagram:

http://instagram.com/madmanmonogram

原文載於作者FB