港女麗嫦

香港女性當中,叫阿娥阿嫦,年紀應該有番咁上下,行事風格,氣質態度,很難跟今天的港女相比。但發夢都估不到,選舉主任麗嫦姐,否決梁天琦的參選資格的邏輯,竟然同今日港女有得比。

港女:「你愛唔愛我?」

港男:「我對你咁好,梗係愛你啦!」

港女:「我點知你係咪真心㗎?」

港男:「你咁都唔信,唔通要我挖個心畀你睇咩?」

港女:「咁你點證明你真係愛我吖?除非咁,你簽張確認書畀我,確認你愛我,如果有個年限,就係一萬年!」

港男:「為咗確認我對你真心,睇下,我已經火速簽咗確認書嘞!」

港女:「我都係唔信,點知你係咪真誠咁愛我㗎?」

港男:「咁你想我點吖?」

港女:「你將你前度送畀你所有嘅嘢,咩嘢信物、情信,喺我面前燒晒佢,咁我或者會信……」

港男:「好……我燒晒啦,幾乎屋都燒咗,連fb、WhatsApp都剷走埋,咁你信啦!」港女:「總之我就係唔信,你咁多前度,點知你同我拍拖嗰陣,心裡面仲會唔會諗住前度㗎?我哋都係分手啦!」

港男:「……」

梁天琦已經剷走所有「港獨罪證」,聲言轉變政治立場,不但簽署了擁護基本法效忠特別行政區的聲明,更補簽了確認書,但麗嫦姐仍然不信納梁天琦是真誠的,否決了他參選的權利。

嚴格地說,梁天琦所做的一切,等於簽了悔過書。今是昨非,迷途知返,對他的粉絲來說,立場是否堅定,已經大打折扣。梁天琦要做的都已經做了,難道像上面的港男所說,要挖個心出來畀麗嫦姐睇,才能證明梁天琦的真誠?

梁天琦說得很對,今次被判「不符合立法會候選人提名資格」,等於被剝奪政治權利終身。為什麼是終身呢?梁天琦主張過港獨,現在公開宣布悔改,但選舉主任仍不相信他的真誠,今屆被取消參選資格,那麼下屆呢?再過4年、8年、16年,真誠也可繼續被懷疑,參選資格也可繼續被取消,這不是剝奪政治權利終身又是什麼?

在中國大陸,無論是維權人士,又或習大大的政敵被檢控被判刑,好歹都經過法律程序,刑期多少年?

剝奪政治權利多長時間?都會正式宣判。今次選舉主任的做法,比大陸還不如!

原文載於《明報》副刊(2016年8月7日)