香港「現代化泳棚」真係接受唔到囉

近日政府有人提議,在中環海濱興建「現代化泳棚」,給予公眾人士係午飯時間去健身室之餘,多個選擇去游海。游海?唔好玩啦!有幾多香港人會游海?香港政府要起現代化泳棚,即係擺到明與民為敵, 即使有良好意願,但主觀及客觀條件(包括維港水質污染等問題)欠奉,真係接受唔到囉。

西人的現代化泳棚

北歐文明之國丹麥,早於2003年首都哥本哈根興建「現代化泳棚」。目前,哥本哈根就有四個「現代化泳棚」,位於Islands Brygge、Copencabana 、Fisketorvet、Svanemølle Beach 、Sluseholmen,好讓丹麥西人,可在城市中心戶外游水(成本低過在陸地起泳池,西人的創意真係零舍不同)。不過,對於毫無國際視野的人「講呢啲」就如同金庸武合小說《笑傲江湖》裡,金刀門等名門正派講主角令孤沖身上的是樂譜,唔係劍譜。洛陽金刀門的弟子,第一件事打到你令孤沖甩骹。真係講又唔聽,聽又唔明,明又唔做,做又做錯,錯又賴人。其實,類似嘅碼頭泳棚,德國伯林的萊茵河都有,仲係個河中泳池。

要香港人接受這些「現代化泳棚」,就好似要明門正派接受令孤沖的思想,佢口沒遮欄,懂得吸星大法妖邪武功,又和魔教向問天稱兄道弟。雖然香港人平時午飯時 (60分鐘) 都會去健身室運動(包括游水:九龍灣工業區,同中環花旗大廈的名牌健身室,都有泳池畀會員在食晏、放工後、返工前游水)。不過游海又沒有冷氣空調,真係「接受唔到囉」。至於是否食飽游定係餓住游好啲,就真係木宰羊了(咁即係通香港人成日都食飽飽)。

西人運動設備不合港人

就如《笑傲江湖》入面的華山派的岳不群就將樂譜當為「辟邪劍法」。真正懂得音樂的人,都係魔教妖人(日月神教聖姑任盈盈和綠竹翁等高人)。結論就係,香港政府都係唔好將西人國際視野的運動設施帶畀港人。呢個建議要有相應配套,例如維港水質及污染等問題(雖然近年水質已見改善,亦見有團體於維港舉辦渡海泳)。香港政府要係要照顧下中文大學近期自殺嘅學生嘅弱小心靈(香港日日都有人自殺,但自殺率遠低於國際水平,唔信自己查下),國際視野強健身心的運動項目,香港人接受唔到囉。

圖:哥本哈根的「現代化泳棚」