「故宮壁」展覽觀後感

康文署宣稱佢哋喺香港站花咗百幾萬整嘅「故宮壁」,唔係廣告而係「展覽」。作為一個討厭廣告、熱愛展覽嘅文偽青年,我當然第一時間衝去欣賞啦!去到就發現,「故宮壁」真係劃時代嘅展覽,好多方面都相當創新:一、入場費:好多展覽都要收費,想睇「故宮壁」,除非你咁啱經過,否則都要科水先睇到。但奇就奇在,呢筆入場費唔係康文署收,而係港鐵收(展覽位處港鐵收費區內)!港鐵已經收咗場地租金,係咪應該嘔返啲入場費畀政府呢?(不過學生入場有半價,至少喺呢件事上「故宮壁」同一般展覽係冇分別嘅。)二、展品:你有冇見過一個展覽,有一半展品係重複架?我見過,我真係見過!「故宮壁」兩側嘅展板,除咗圖同字嘅擺位有少少分別外,基本上內容係一模一樣!睇其中一邊已經OK,咁點解要出兩邊嘥錢呢?三、文字:每次睇展覽,我都會仔細 lun 展板啲文字,加深對展品嘅認識。「故宮壁」有好多文字描述,不過全部「黐地」,加上場地燈光根本好難閱讀。到底啲字係想畀人睇,定只係裝飾呢?四、導賞:睇唔到字,諗住聽導賞了解多啲故宮嘅建築啦,點知導賞員只係不斷重複講「使用扶手電梯時,請企穩及緊握扶手⋯」,真係令我搲晒頭,莫名其妙。五、宣傳:一般康文署展覽,好似莫奈名畫展,展出之前同期間都會周街見到宣傳廣告。呢次就完全冇事前宣傳,仲要出咗先話係展覽,真係好有驚喜喎!六、紀念品:睇完展覽,諗住買啲精品留念啦,不過一路繼續行,只係見到間便利店。入到去,冇故宮文化工者趙廣超嘅《大紫禁城》賣,亦冇坦克車貼紙、血手印印水紙賣,略嫌美中不足,唔可以為觀展體驗留下完美句號咯。講到尾,搵得媒體代理去安排呢兩塊「展板」,換咩叫法都改變唔到「故宮壁」係廣告呢個事實。唔想畀人話浪費公帑,就攞「展覽」一詞作包裝,一切都只係語言偽術!若果政府真係覺得呢個係「真.展覽」,不如就用呢個方式繼續展示故宮精品,咁就連起博物館嘅錢都可以慳返啦!P.S. 圖片攝於香港站「故宮壁」展覽範圍,絕無tune 色;拍攝時並無實Q阻撓,比起一般不准拍攝嘅展覽,「故宮壁」喺呢方面就符合人性多了!唯恐你唔知咩係「血手印」同「坦克車」,傳送門: http://bit.ly/2i5NUFG原文及圖片載於作者facebook專頁———————————–公眾投票現已開始!立即投選心水作品,令真正多人睇嘅作品獲得重視:http://bit.ly/2ircM8R 藝術 廣告 展覽 西九 故宮

詳情

五十年不變,可以嗎?

一年一度麥記Big Mac Campaign,今年,玩經典。主題係「經典滋味,邁向50年」,查實Big Mac 1967年誕生,今年只係49歲,但係就用咗TVB台慶常見嘅「邁向」講法,提早一年慶金禧。成個campaign,包括TVC、Outdoor同Traymat,細數半個世紀以嚟發生過嘅經典物事,例如人類登月、emoticon誕生、科學家發現DNA等,再以經典襯托經典,帶出年年發生咁多經典事,都有Big Mac陪住你。5 條TVC,都將Big Mac代入不同經典誕生嘅情景去玩,玩得最正嘅,莫過於用巨無霸取代雅達利撞磚game個波;講emoticon 誕生嗰條,用表情符號砌出Big Mac,配樂亦夠晒盞鬼。講真,Big Mac比起廣告上show 嘅大哥大水壺、卡式錄音帶等發明,感覺好似冇咁經典--後者已經塵封退役,而巨無霸,一落街就買得到,因為太手到拿來,比較難同經典劃上等號。人,總係啲嘢失去咗,先至會懂得珍惜。但若大家諗真啲,大哥大、卡式帶,都只係被時代淘汰嘅「一時」經典;一款旗艦漢堡,咁多年嚟冇被市場力量驅趕下架,「醬汁洋蔥夾青瓜」始終如一、五十年不變,其實可以話係比經典,更經典。我哋嘅香港,講就講五十年不變,實際上已經不斷褪色。去到2047年,呢個城市嘅地位,又係咪依然經典?原文及影片見作者facebook ,封面圖片為廣告截圖 廣告 麥當勞

詳情

海闊天空、超級續航

到今時今日、呢個時勢仲問「愛兄弟?還是愛黃金?」,真係too simple、too naive。我唔係要為蝗家強辯護,但係道德高地邊個唔識佔領?四十幾歲人未試過出賣手足?我唔排除你係義氣仔女,但有冇可能係你賣咗而唔自覺?四十幾歲人未試過俾手足出賣?一係你好彩有班真心兄弟,一係你身上冇乜嘢價值去畀人賣。有說「政治是眾人之事」,又曰「你不愛政治,但政治會找上你」,生活裡的人際關係,也是「政治」,又有云「政治一日都嫌長」,人為了利益,這一刻稱兄道弟,下一秒賣友求榮,也是屢見不鮮。人賣兄弟,不外乎出賣兄弟之尊嚴和信念旗幟,「你嘅信念海闊天空」正正是賣旗幟,而且不獨是家駒的旗幟、更是不少香港人嘅旗幟(編按:據知《海闊天空》是Beyond作品,而黃貫中及葉世榮尚未離世,生勾勾的兩個人忽然在廣告片的舞台上「被消失」,變成黃氏兄弟私有化作品,蝗家強連Paul及世榮都賣埋)。但以前香港寬頻廣告都用《海闊天空》Endorse啦,又唔見你哋鬧王維基「消費」黃家駒?不同者在於出賣手法,假如蝗家強早前冇嗰張「喜歡你」世紀合照、就唔會有嗰句「Beyond係一個令我又愛又恨的名字」、就更加不會有今天這種民間迴響。當日猶大賣耶穌,為兩袋金幣,今日蝗家強賣兄,好難猜測佢所得多少。但賣友求榮不單單為金錢財富,為溝女有之,為自己上位添人氣有之,為贏得社交人緣也有之,無形的利益,都是利益,兄弟是一顆踏腳石,踏腳石是為了踩一把的,踩得用力一點,自己的身價就抬高一點,人際關係又好一點,「人生超級續航」就不是夢想。願那些「超級續航」的人「海闊天空」,直登家強的彼岸。文:LJ延伸評論:http://on.fb.me/1JqNyOr短片來源:大陸手機廣告、香港寬頻廣告及梁振英FB蝗家強海闊天空之超級續航#廣告觀點:海闊天空、超級續航到今時今日、呢個時勢仲問「愛兄弟?還是愛黃金?」,真係too simple、too naive。我唔係要為蝗家強辯護,但係道德高地邊個唔識佔領?四十幾歲人未試過出賣手足?我唔排除你係義氣仔女,但有冇可能係你賣咗而唔自覺?四十幾歲人未試過俾手足出賣?一係你好彩有班真心兄弟,一係你身上冇乜嘢價值去畀人賣。有說「政治是眾人之事」,又曰「你不愛政治,但政治會找上你」,生活裡的人際關係,也是「政治」,又有云「政治一日都嫌長」,人為了利益,這一刻稱兄道弟,下一秒賣友求榮,也是屢見不鮮。人賣兄弟,不外乎出賣兄弟之尊嚴和信念旗幟,「你嘅信念海闊天空」正正是賣旗幟,而且不獨是家駒的旗幟、更是不少香港人嘅旗幟(編按:據知《海闊天空》是Beyond作品,而黃貫中及葉世榮尚未離世,生勾勾的兩個人忽然在廣告片的舞台上「被消失」,變成黃氏兄弟私有化作品,蝗家強連Paul及世榮都賣埋)。但以前香港寬頻廣告都用《海闊天空》Endorse啦,又唔見你哋鬧王維基「消費」黃家駒?不同者在於出賣手法,假如蝗家強早前冇嗰張「喜歡你」世紀合照、就唔會有嗰句「Beyond係一個令我又愛又恨的名字」、就更加不會有今天這種民間迴響。當日猶大賣耶穌,為兩袋金幣,今日蝗家強賣兄,好難猜測佢所得多少。但賣友求榮不單單為金錢財富,為溝女有之,為自己上位添人氣有之,為贏得社交人緣也有之,無形的利益,都是利益,兄弟是一顆踏腳石,踏腳石是為了踩一把的,踩得用力一點,自己的身價就抬高一點,人際關係又好一點,「人生超級續航」就不是夢想。願那些「超級續航」的人「海闊天空」,直登家強的彼岸。作者:LJ短片來源:大陸手機廣告、香港寬頻廣告及梁振英FB本版接受投稿,歡迎將文章及配圖inbox給我們,謝謝。不想錯過廣告狂人文章,可Click我們這個專頁的like掣,再點選「接收通知/Get Notifications」。follow 廣告狂人instagram:http://instagram.com/madmanmonogramPosted by 廣告狂人 Madman’s Monologue on Monday, 21 December 2015原文載於作者facebook專頁,圖片為網上截圖

詳情

親子的羈絆

我爸爸,八十七了。這幾年,患腦退化,每次回家,他總是說些令我摸不著頭腦的說話,令我不知怎麼回應。工作十餘年,一直忽略爸爸媽媽,講得難聽啲,真係將屋企當作酒店,夜一夜先返屋企,第二朝又一早出門,絕少陪兩老吃飯。爸爸還清醒時,也不和他交心多談兩句,現在,想談,都談不到了⋯⋯不是不感到後悔的。昨天,《愛在當下》在網上洗版。(網址:http://on.fb.me/1QuTvOb )這套由保險公司AIA出品的微電影,改編自一位註冊義工Marco,帶同3歲大女兒小悅,獨力踩單車遊歷台灣11天嘅故事。Marco為何帶女兒環島遊?他在facebook 如是說:「爸爸的浪漫:敢愛。敢行。感動。太久沒有在工作外,為自己為家人做一件叫自己深深感動的事⋯人生只有一次,孩子長大了不能重來,不要做留白的爸爸!」不是不令人佩服的。片中最大的衝突位,在於女兒途中大喊不適想鬆開安全帶,爸爸不肯,更因爭執動氣,在雨中翻車受傷。後來誤會解開,原來是安全帶太緊,箍到女兒肩膊也紅了。這一章,在真人真事的訪問中並無提及,應是為增強故事性而原創的情節,同時藉此隱晦地連結片末的訊息:為摯愛,儲起一輩子的關懷和保障。一個爸爸,縱使没有翻車受傷,有時總會因孩子的淘氣而開口責備;然而冷靜過後,總會內疚,因為孩子只是幾歲人仔而已;而幾歳人仔的胸襟,有時竟寛宏過爸爸,會主動原諒他,就像片中的女兒,會為父親貼上膠布一樣。這段情節,未必很多父母真實經歷過,卻總有類同遭遇,感同身受。不是不讓人動容的。這部影片,若能更純粹地做branding,連「儲起一輩子的關懷和保障」也不放進去,專注於「愛在當下」此一主題,相信會贏得更多掌聲--不少人comment 說見到此句及品牌logo,就會醒起是在賣廣告。其實,直接用回當事人Marco 的文字,可能更真摯:「One Life。Live It。」無需保障二字,其實已能打動一班父母,為子女的未來多去構想。回想起來,爸爸送給我的其中一個深刻的記憶,也是在我幾歲人仔時發生:那時讀幼稚園,很多時都是媽媽來接我回家。有一天,爸爸卻驚喜地走來接我放學。他帶我到附近的冰室,讓我第一次嘗到西多士的美味。好像很普通?對我來說,卻是少有感到父親暖意的一幕。愛在當下,別浪費了,那難得的、親子的羈絆。作者:雷文延伸閱讀:專訪「傻爸爸」:帶3歲女兒踏單車遊台的浪漫 http://bit.ly/1PmcqdM【爸爸的浪漫】港男帶3歲囡 單車環台遊 http://bit.ly/1V6Q32L原文載於廣告狂人FB、instagram 廣告

詳情

廿二世紀少年 之 我們的娃娃

娃娃舜「復活」洗版,矚目全城,十四年後再踏舞台的黃宏舜,終於獲得熱烈掌聲與歡呼聲的肯定,大佬,而家唔係講緊漫畫作品《二十世紀少年》遠藤健次事隔十六年上台唱《Bob Lennon》,係現實中的「娃娃舜」,由當日被受冷落到今日備受重視,係一次大平反。娃娃舜其實喺呢十四年之間,已經KO咗無數人:1. 當日喺《都市閒情》「鬥戲連唱鬥一番」輸到貼地,但而家冇一個人記得當日贏嗰個人叫咩名,我相信若佢而家拎返件事出嚟認叻,會瘀到核爆2. 當日喺《都市閒情》「訓勉」阿舜的江華,而家都冇撈電視去賣保險lu3. 《都市閒情》「鬥戲連唱鬥一番」呢個環節摺咗超過十年,主持都炒咁幾個4. 當日阿舜唱林曉培呢首《娃娃愛天下》,唔係因為阿舜,我諗而家都未必有人識呢首歌,識得林曉培的人會更少5. 再講,睇過阿舜段片的YouTube View係高過原唱者的MV View數,完勝6. 今日,阿舜出現洗了FB版,但原來佢係出席活動,同台演出嘉賓的雨僑當堂變綠葉,而活動主人家鄭中基更加沒有出現在鏡頭之中,阿舜風頭可謂一時無倆大家有冇諗過「我們的娃娃」是怎樣煉成的呢?假如這十四年間,社交媒體沒有這樣蓬勃的發展,這個「一時的失敗者」會否成為「一世的失敗者」?正所謂「時勢造英雄」,我相信,是因為以下幾個原因,讓阿舜在十四年後終於爆得起。1. 周星馳的重口美學:姑勿論周星馳為人處世如何,對伙記朋友如何,但你必須承認他影響了一代甚至兩代人,尤其在《食神》開始,他對起用「騎呢」新人的執著,捧紅了一個又一個有個性又怪怪地的綠葉,譬如劉以達、Sunny、甜筒輝、洪爺、李思捷、醬爆、肥仔聰、哨牙珍等,這些演員都有一股「重口味」特質,香港人就是靠著星爺培育「重口美學」,所以後來對唱、跳、應對俱皆的「娃娃舜」也甘之如飴,並視之為優質潛力男,一而再再而三網絡搜尋這位演藝界的傳奇人物2. YouTube時代:以前是電視機的時代,電視放映甚麼觀眾就看甚麼,若今時今日沒有YouTube,阿舜的影片肯定不會被電視台重播,那麼上班族就無法欣賞阿舜的演藝細胞,全靠YouTube改寫了觀眾接觸娛樂視頻的模式,不單可以Repeat Loop到夠,更可以開心Share link俾friend,那是電視媒介無法做到的事3. Facebook神話:假如有YouTube而沒有FB,即是你必須要靠收發電郵來得知朋友傳來的影片,這樣的話,轉發電郵的複雜性會減低你開心Share的意欲,從而令傳播力大打折扣4. 智能手機普及化:Facebook雖好,但假如每次都要用Laptop來上網登入,使用地點受限也會減低傳播性,就是因為近這幾年智能手機滲透率高,等於人人手中一部電腦,就能令阿舜再次以他的才華搶奪眾人眼球,推高人肉搜尋的意欲,不錯,起初大家都會笑柒阿舜,但係「柒到去一個點」,佢就會變「Cult」,你懂的,於是當近日再Loop紅佢嘅舞姿嗰陣,大家就好期待搵佢出嚟,結果佢順利扳回劣勢,一雪十四年來的前恥,成為贏家大家可以想想,社交媒體是怎樣改變了我們的生活模式、我們的心態、我們的品味?每日打開手機,多荒謬的現實、多無恥的Kai人總會浮現在我們的Wall post上,我們的花生是免費的,而且比起免費電視更貼身、更度身訂造,當我們吃花生已經得到滿足,還需要一本正經的娛樂媒體嗎?所以你可以看到CCTVB收視表演插水,你可以看到《忽然一週》也要收皮,你可以看到Ming仔、司徒夾帶的網上廣告數量多過林峯,遊戲規則已經改變,傳統媒體江河日下,本來是徹底失敗者的阿舜,可能就是見證著「新常態」的一位先鋒。作者:Tom Chung原文載於廣告狂人FB,follow 廣告狂人instagram:http://instagram.com/madmanmonogram 網民

詳情

熱潮過後,本地波有冇計?

連續三場香港主場的世界盃外圍賽都火速售罄,甚至出現黃牛黨,但正如09年東亞運(感謝網友Brandon Hung指正東亞運的舉辦年份)金牌的熱潮很快冷卻,本地足球實未許為此欣喜。早前筆者參與了一個題目為《本地波有冇計?》的節目,一些準備好的意見並未發表,節目後亦從其他嘉賓的意見裡有所啟發,特撰此文補充。–A. 本地波可以怎樣建立更好的品牌形象?什麼是品牌形象?很多書都有這樣寫:當品牌係一個人時,他給你的性格和印象。我相信其實香港大部份人都知香港足球有職業聯賽(港超聯/港甲),有一定的Awareness,但多年來入場的意欲仍然很低。用人來比喻,就是朋友中的一個唔起眼的宅男,明明認識多年,但感覺都好模糊,只係間唔中聽到人提起,間唔中留意一下,頂多間唔中見面(入場)。本地波這個宅男最需要的其實並非即時變身成型男,亦不是偶爾一兩次的國際賽成績,首先其實要肯多點主動出現於人前——更專注係平日的宣傳和溝通工作。這一年已見到足總在推廣港隊賽事和足球明星選舉有令人欣喜的進步和成績,但每隊港超球隊係這方面都應該比現時做得更多,因為作為職業球隊「搵人入場睇自己踢波」是理所當然的責任。–B. 本地足球聯賽有甚麼賣點?現場即時的經驗。這是一個資訊大幅貶值的年代,人們甚麼都在互聯網上尋找,並總認為什麼都應是免費的,但唯獨親身「經驗」無法被取代。以樂壇為例,唱片銷量難以回到昔日光輝,但演唱會卻不受影響,連舊歌手的演唱會都有市場。睇英超若想有現場感,除了飛到英國入場外,最多都係到酒吧和一大班人一同觀賽,但你嗌得再大聲都對球場踢緊的人毫無影響。但本地波你的打氣以至各式「問候」,其他的球迷、落場的球員球證都有機會聽到,球員賽後就在場邊,這些即時的互動和體驗是轉播不能做到的。–C. 如果要幫本地球隊或者本地聯賽賣廣告,可以點做?香港足球可以怎樣吸引更多人入場?球員穿上球衣,出現在地鐵站、電視,報刊或網上的廣告位置,區隊的話還會有在區內不同的地方掛banner。在廣告稿上寫上比賽日期和球場地點,然後期望這些花費可以帶更人入場。廣告(advertising)不是不重要,但正如前說,本地波的問題並不是真的在Awareness上,而是入場興趣(interest)及怎樣保持(sustain)。香港的球會目前只著重建立球隊去贏取錦標,但並不著重建立有球迷作為一份子的球會。足球比賽的成績是很難保証,就算給你扭盡六壬吸引大家入場,若沒有贏取球迷的心,當球隊成績下滑、投資減少或降班時球迷就會放棄繼續支持。故此比起花錢大賣廣告,本地波更加需要做的係關係行銷(Relationship Marketing)和顧客關係管理(CRM)這一類的工作——會員計劃、積分計劃等,以及能令人長期追看的社交媒體(Social Media)。要不停吸引入過場的球迷繼續入場和繼續留意球隊,令他們成為球迷,然後再帶更多的朋友入場,制造良性循環和雪球效應。–D. 怎樣可以為本地足球帶來球星效應?兩家廣告公司的比較,很多時候就是看公司的「球星」--具名氣曾奪奬的創作總監。球會也是一樣,球會間的分別就基於球員。說到用包裝形象去製造球星,南華在羅傑承年代作過很多不同的嘗試,陳七(陳肇麒)也算是有一點成績拍過幾個廣告。但如果說近幾年因本地足球而成名的,似乎大埔lulu ( 董嘉儀 Lulu Tung )比任何一位球員都成功。有球星才有觀眾,還是有觀眾才有球星,仿如雞先蛋先的問題。筆者認為目前本地波的球迷基數還實在太細,大幅投資去造星大球會很難成功,小球會就更是嘗試都免談。但基本的事還是值得做好:要求球員有良好和健康的形象,基礎接受訪問的應對,社交媒體的使用規範等,這些球會都應配合球會形象並為球員提供培訓,其餘的就要因時制宜。也一直有人認為球員應該專心踢波別去拍廣告扮球星,筆者對這種古板思維不以為然。今非昔比,足球員的收入相對香港的生活指數實在太低,反正無論如何都要思考副業或考慮掛靴後的未來,若能因為足球而令到球員有人認識,何時也應好好利用。–E. 如何為本地足球提高商業效益。﹝有冇外國例子值得借鑑?﹞要談商業效益,先要有商業價值,除非本地波有博彩,否則任何球會的商業價值只有單純的來自球迷。沒有人看的比賽,即使得到錦標也是一點商業價值都沒有。故此,增加球迷數目是無論何時的第一工作。一方水土讓一方人,外國的球會有球場有球迷基礎,與香港這種土地價格高昂又由盛轉衰的球壇往往很難比較,再加上法規和文化等原因,好多外國的case都難以在香港推行,香港的球隊要始終要思考香港自己的方法。一個利用品牌價值的好例子:香港大型連鎖電器店的主要業務除了賣電器其實還賣廣告。每個廣告每一個商品的擺位都有不同價格;即使舖租貴,他們依然有力承租一線商場開店,因為商場的人流支持了一個以櫥窗和店舖裝潢做Point of Sale的廣告媒體。香港的球會若能好好調查一下球迷的profile:是年青人還是長者居多?中產家庭還是基層?配合良好的球會形象,便能更有說服力地與贊助商好好籌劃商業展銷和推廣,從而增加球隊的商業效益。–F. 為本地足球籌備盛事,提高關注度,是否可行?除了英超挑戰盃,本地球會南華傑志都辦過外隊賽,名氣大的外隊能做到賣票保證,但最終球場反客為主,坐滿外隊的香港球迷。而外隊賽辦完之後,本地球賽的入場人數也沒有什麼大改善。一再重複本地波的問題並非awareness,是以外隊盛事對推廣本地波其實無大作用。當然只要不是蝕錢,也是美事一樁,但賀歲盃這種比賽其實早己不合時宜(農曆新年難以與和FIFA day及各地聯賽賽程切合),其實絕對可以用本地盃賽如銀牌決賽來取代。每年都要蝕辦,就算搞手不介意,將那些錢投入於係本地賽事的市場推廣和球迷關係工作一定更值得。相對球會,香港代表隊的賽事更適合以盛事包裝和宣傳。若有留意足總在今屆世界盃外圍賽的宣傳推廣,即使未有中國足總的海報風波,其實也做了大量前所未有的工作,值得嘉許及支持。–G. 一直有聲音認為,本地波有得賭就會多人關注多人入場。本地波博彩是否具商業效益?筆者並不反對賭本地波,但本地波有得賭就會令更多人關注其實一廂情願,馬會有各國聯賽的賭盤,但有令挪超葡超更受關注嗎?筆者相信本地波賭博或可略微增加球賽氣氛,甚或可以吸引如財務公司的廣告和贊助,但始終本地波仍要和各式娛樂和外國聯賽競爭,一樣的博彩,本地波並不會忽然變吸引,遑論商業效益。筆者希望香港的球會更努力地累積球迷坐滿球場,令門票由60元變成600元,而不是攤大手依靠博彩收入支持。–H. 本地足球─有計?冇計?南華是香港唯一有成功傳承的老牌球會,亦正因為其名氣和球迷基礎而永遠有人願意接手,並以能成為南華足主為榮。本地波要再起,需要的就是要建立有如南華的球迷規模的球會。這目標以香港的人口絕對有條件做到,只是香港的球會,需要由著重建立球隊,變成建立有球迷的球會;需要有更大的思維去建立一樣比自己更長久的延續,而不是只有一兩年、或者兩三年的嘗試,成績不夠好就結束。具體要做什麼工作需要每間球會好好思考。筆者認為在推廣和對球迷工作,飛馬的13/14年球季堪作近年典範,就算到14/15年的投入少了成績差了,聯賽主場平均的入場人數都依然達1600人。–非常感謝閱讀到這一行的看官,本文借用朋友的一句意見作結:「無identity就無fans,without fans professional football is nothing。」by CL17原文載於廣告狂人FB,follow 廣告狂人instagram 足球

詳情

有錢就任性的B餐女神

老老豆豆,人妻謝安琪確係幾掂,有樣有才有身材有態度,畀我都會揀呢個B餐。但若然我係九倉電訊,我就未必揀B餐做代言人。其實九倉電訊都唔係第一次啦,先前揀的Mandy Lieu,即係而家已經畀澳門猛人私有化(好似係)兼坐收N億(傳聞係)及做埋人老母(一定係)那位,當日個廣告帶出的message都係1999,而Mandy Lieu在廣告提出的問題亦成為廣告史上第一大懸案:「九倉電訊?Sell咩架?」(網址:https://goo.gl/5Sehtf)其實本欄早年已有另一位作者出文都批評得毫不客氣,在此不贅。(網址:https://goo.gl/JXk2ku)今年,九倉起用高登女神謝安琪取Mandy做代言人,手法由之前的Odd、怪、離地,轉為相當入世格局。(網址:https://goo.gl/2UtTw4)例如識得玩下比喻啦,又家居生活、彈琴作曲、演唱會……但其實關咩事呢?再睇下B餐女神的VO旁白:堅持完美理念…擁抱明天科技…彈指之間,為商業客戶譜出雲端樂章。[歌詞:愛在雲端滾盪,確定是未來的方向,讓全世界散發光芒。]九倉電訊 Cloud@your fingertips[Tagline:彈指雲端譜光芒]每粒字我都識睇,意思亦明白,但湊埋一齊呢,根據《本草綱目》的診斷:虛。我明白,今次九倉想用Consumer Angle去Build Image,行FMCG的Tone and Manner。但佢哋自己都講啦:「為商業客戶譜出雲端樂章」,「商業客戶」唔同一般消費者唧,唔需要你咁「地」去包裝成件事,對真正TA嚟講:No Value-Added!雖然重金禮聘到高登女神做代言人巧威威,但唔代表業界人士都係高登仔。其實上次篇評論已經講過,呢類型服務,用BTL好過用傳統TVC去宣傳。咁搞法,真係洗咗唔少冤枉錢,或者佢可以咁講嘅:「有錢就是任性」係呀,只要你咁講,我又一定吹你唔脹嘅。作者:LJ原文載於作者FB, 廣告狂人instagram 廣告

詳情

宏利拆彈風雲

我估計,宏利保險公關部門並沒有想過,因為一個小小員工的無知,在社交媒體僅發酵一夜,竟然便給公司釀成核爆式的公關災難。事件不斷被「抽水」,計有嘉士伯、幸福、港視、大0徙鬼,人人有份抽一手,易抽過IPO,可憐宏利變成火災危險警告超越紅色,救火都救唔切。雖然有人話呢件事一夜間Loop紅咗宏利,但如果「紅」的定義是「柒、蠢、Cheap」,咁咪算紅囉,但若作為該公司的公關人員,點都唔會覺得件事賺咗。凡事都有好壞兩面,識得審時度勢,話唔定呢班公關人員可以講返句:「機會嚟喇,飛雲!」假如宏利仍然停留喺傳統公關模式,譬如認錯、解僱「埋彈」員工,其實對於習慣在網絡抽水的網民來講,是否「足夠」?再講返呢次事件,又唔係真係宏利企業的問題,而係個別員工奶嘢,無端端出嚟道咩歉?所以,首先,你要有一個好熟「社交媒體」行為與心態的老闆、員工同Agency,肯放手一搏。而家其實咁多Social Expert,應該有唔少方法拆彈。當中最強的Social Expert,我覺得,係《 100毛 》,識得用,就不妨即刻用。昨日,「 #毛記電視」「臨時特約一次性執行董事」陳志雲開記招,宣佈腰斬《犬時代》,當中有咩契機?如果我係宏利公關人員,即刻同上頭拎Budget,搵「毛記電視」翻生《犬時代》,製作一輯「宏利保險特約:《犬時代Special – 五嚿風雲》」,並將整件事來龍去脈拍下來,故事大概講「J蟹」私自出Po要求網友製作動畫,最終畀「李老闆」發現,然後……(然後毛記電視一定會踱掂佢,唔使加隻手落去搞糊件事)。須知道「毛記電視」的傳播力大,接收群眾亦正正是今日有份「抽水」的網民,可以話非常On Target。而「毛記電視」亦曾經就「申請免費電視牌照一事」出爾反爾,一件污兩件穢,貫徹「台風」,玩得過。加上《犬時代》本來就是踢爆辦公室荒謬現象的「台慶劇」,實在貼合這次事件的荒謬性。或者公關高層會諗,自己玩自己,有冇咁唔知醜?其實自社交媒體流行以嚟,「自抽」都係一種解救PR危機的法門,我相信其實仲有唔少「自抽」方法,我所講的只係微末建議,But After All,都係嗰句:首先,你要有一個好熟「社交媒體」行為與心態的老闆、員工同Agency,肯放手一搏。作者:Tom Chung宏利事件真相:http://on.fb.me/1AKBlFB延伸聆聽:《宏利的晚宴》神奇膠 https://youtu.be/vc9k9wNlN7g原文載於廣告狂人FB、follow 廣告狂人instagram:http://instagram.com/madmanmonogram 廣告

詳情

從蔣志光看自由市場與政策市

昨日,我個菲律賓工人上網,睇到100毛個FB page,分享了蔣志光陳年麥當勞急口令廣告,我先係嚇一跳,然後今日先至識得笑。眾所鳩知,100毛玩到毛記電視,已經係銀河系級數抽濕機,即抽即中,何解要無啦啦「退一萬步」出Po講返幾個月之前瘋傳嗰段廣告片?嗯,耐人尋味。今日揭曉──錢作怪。呢個Po係先頭部隊,鋪定路俾今日出街嘅「相逢何必曾Big Mac」 (function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = “//connect.facebook.net/en_US/sdk.js#xfbml=1&version=v2.3”; fjs.parentNode.insertBefore(js, fjs);}(document, ‘script’, ‘facebook-jssdk’));#廣告貼堂:麥記新作《相逢何必曾Big Mac》,喺JOOX都可以免費聽到!聽講遲啲仲有合唱版添!相關評論文章已經刊出:https://www.facebook.com/MadmanMonologue/photos/a.653492704679336.1073741826.653481138013826/1065231226838813/?type=1&theater原曲:相逢何必曾相識主唱:蔣志光曲、詞:蔣志光改編詞:余浩霖、凌斌出品人:麥當勞怕吃錯 但我豈可輕放過問此刻世上 經典漢堡有幾個街坊親友加Fans隨隨便便嗌個做民調Big Mac也一定Win雙層牛classic Big Mac醬汁加青瓜相遇onion配番芝士生菜sesame人人食過食過食過食過又笑又叫好味要去醫肚McDonald’s 相逢何必曾Big Mac你請高舉雙臂咬落嚟人人食過大笑大讚勁笑勁讚力撐好味勁鍾意 因Big Mac確係經典也許天天可以既話 准許我多吃一次Big Mac梗要孖住嚟來讓我食呢一個先編寫吃的經典原Link:https://www.youtube.com/watch?v=ANzHb68Fapo(註:已問准客戶才直接upload此片)Posted by 廣告狂人 Madman’s Monologue on Tuesday, June 2, 2015(編按:蘋果日報今日講,蔣先生出席老麥活動,有唱呢首歌同埋重Rap當年的經典廣告,咁仲唔係不謀而合?網址:http://hk.apple.nextmedia.com/enews/realtime/20150602/53806679)同樣玩懷舊,仲要都係老麥,加埋蔣志光,喂,世事有冇咁巧合呀?個人覺得,確係有點noise,假如早幾個月出,拍埋《老表你好hea》的《相逢何必曾燒衣》一齊出,效果會更好。始終,網友創作同商業運作有所不同,但凡商業策劃,總花較多時間,成品出街之時,分分鐘變明日黃花,無法子嘅,你諗吓,淨係傾首歌個版權都起碼搞兩個星期,仲要扮八十年代MV,快極有個譜。其實近年老麥喺廣告手法都進取咗,譬如之前夾埋港視《警界線》推「點Jack」都係令人眼前一亮之作。客戶肯試新嘢,無論Agency定觀眾都會拍掌,仲要咩media都唔介意喎,你諗吓:港視、100毛,都被現屆政府視為充滿「敵我矛盾」的傳媒,喺連《am730》都要「被抽稿」嘅年代,老麥唔聽「方丈」枝笛,唔睇「政策市」,單憑「自由市場」的因素決定做乜嘢、出邊度,真正「在商言商」,呢啲掌聲,畀得過。作者:LJ原文載於作者FB專頁,follow 廣告狂人instagram(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = “//connect.facebook.net/en_US/sdk.js#xfbml=1&version=v2.3”; fjs.parentNode.insertBefore(js, fjs);}(document, ‘script’, ‘facebook-jssdk’));「看《深夜食堂》之所以感到窩心,是因為對港式餐廳感到惡心。進食又限時個半鐘要埋單,只准食不准談,食物要煮不可催,但食物上枱後侍應又時常問你吃完未催收碟。香港啊香港啊,所謂特色文化就是這些,不少人接受現實,彷彿不吃這一間就不懂得去另一間。」Posted by 評台 Pentoy on Tuesday, June 2, 2015 廣告

詳情