最有志氣的小事

startup圈內,”being world’s number one” 呢句聽唔少,但對我黎講,以下呢句先叫有志氣「希望engineer第一日返工可以做到1個commit」一間startup老細嘩diu,何其有大志,無講笑,唔好睇少呢件小事,要達成並非易事(高登仔除外),即係叫個會計師第一日返工就開始計公司盆數,同時update落數簿。要commit code(提交程式碼),首要嘅當然係毒L寫code;要毒L寫code,首先要明白而家嘅code做緊d乜。粗略計算,如果一間公司有10個毒L做同一個project,咁新入職嘅毒L就要「食」10個人嘅code,就好似高登音樂台集體創作咁,樓主寫「牟尼常歡笑,般若確係妙」,後面d人就要接住落去寫,愈遲加入嘅人,束縛愈大。正所謂前人種樹,後人乘涼,前人寫shit,後人食shit。就算你係天龍八部入面嘅掃地僧,識盡天下武功,係一堆shit code面前,都係無用武之地。code靚都好,要食10條友寫嘅code喎大佬,1日點食呀?code以外,當然有人為因素。毒L雖然獨,但總有同事,同事幫唔幫到手就係其中一個要點,有人提點之下,快熟過快熟通心粉,hihi中伏機率亦都大大減低。講到呢一步,問題就黎:道理上,同事都係毒L,口齒不清,咁點算?答案其實都幾直觀,就係要想盡辦法令毒L脫毒。靚code,helpful文化,唔毒嘅毒L,3者合1,first commit其實唔難。所謂first commit嘅要求,表面上係對新入職毒L嘅要求,實際上,卻是老細管理方式的自我要求。好多公司,真係好多公司,第1日要員工set下電腦,聽下公司鴻圖大計、business concept,輕輕鬆鬆又放工,相比之下,first commit嘅目標係非常務實進取嘅想法。有日,當公司增聘第100個毒L,而毒L喺第1日返工好輕易咁commit,呢間公司,我會落一個結論:不得鳥。原文載於作者網誌 職場

詳情

投票機器

有朋友問寫App idea,投票App真係一個唔錯選擇。呢類App有3個重點,少選擇,玩法簡單,即食唔上身。少選擇?係呀,人真係好犯賤,多選擇又選擇困難症,無選擇又覺得hihi,最理想莫過於有n個選擇,係入面擇一個。咁到底n係幾大好?「其他國家」某權威部門指,3個係最好,條數點計出黎我唔知,不過直覺上,如果得返2個選擇,而呢2個答案嘅基本盤係互斥,簡直係懶人最愛。最精警莫過於TVB劇集內,個律師問:「有得hi,你hi唔hi?」,基於證人淨係可以答YES / NO,民間稱呢類題目叫「法官大人」,technical term叫二元問題(Binary question),非黑即白,無第3個答案。講咁耐,終於到題。好多App,背後都以呢d二元問題為依歸,再加d唔同嘅value,用唔同面貌放係市場。例如毒L恩物Tinder(Off topic:”Any swipe can change your life” 呢句slogan真係引死好多毒L),一個識friend嘅App,一開App有男有女,令人目不睱給,係靚仔靚女,合眼緣就掃左,7head就掃右,唔使幾秒,又有下一輪matching,好比speed dating,仲要慳返餐飯仔,同埋agent錢。說穿了,就係投票以外加value,hit中market,真係不得鳥。App以外,估唔到連Big data都係玩投票遊戲。時昌迷你倉喺宣傳易賣左咁多年廣告,係人都識,Marketing的確勁,意外嘅係,而家仲玩埋Big data,平時係facebook見人玩乜乜乜心理測驗,背後金主話唔定就係佢,曲線分析消費者行為,最後黎個price discrimination,黎個有錢畀多d錢,窮J畀少d錢嘅model,B2C玩到O2O,又係一條出路。話就話Binary question得YES / NO,但只要稍為跳出框框諗,跟本就有4個選擇,就係唔玩,同埋投廢票。不過,凡事都有例外,Murphys law同我地講:「凡可能會柒的,總有機會柒的」,就算呢類投票遊戲幾吃香,幾易做,幾咁易玩,有埋預選答案都好,總有一大班尊貴嘅玩家係全世界面前柒舖勁。原文載於作者網誌 創新科技業

詳情