唐英年

特首選戰正式結束，結局亦毫不意外，林鄭將成為未來5年香港特首。對於這場馬騮戲其實我興趣不大，反倒是大家熱熱烈烈地捧到曾俊華上天，仲要人地話咗推23條都有人話佢是「民主之父」，天呀我到底睇咗啲咩…… 不少曾俊華支持者可能好唔開心，但其實我完全唔明唔開心啲乜。當初林鄭被選委提名之時已經有580票，就已經明刀明槍話你聽「特首之位我志在必得」。雖然我覺得如果唔知真係好白癡，但事實係有數得計。選委得1200人，600就已當選到，當初已經有580票提名畀林鄭，仲有20票就等如當選，大家唔係真係咁天真以為曾俊華仲有機呀嘛？小圈子選舉嘅意思就係指，由選委提名到選委投票都係選委玩哂呀明無？暗咩票呢？啲票由頭到尾都係睇上頭面色咋。好馬後炮，不過我真係覺得其實賽果好正常。 好啦，無得做特首，咁又點？當年唐梁之爭唐唐輸左，你估佢會周街乞食咩？2013年，唐獲中央委任為第十二屆全國政協常務委員，而董伯伯卸任之後都成為全國政協副主席，參與中美關係的外交事務，並成立了中美關係交流基金會，代表中國到美國演講。除咗無靠山的曾要坐監之外，根據前人經驗，其實唔做特首（而本身同中央關係唔差既話），一定會有野撈唔使憂。反而做特

歷史總是愛開玩笑。 五年前的今日，仍是發展局局長的林鄭月娥，因處理新界村屋僭建事件，被新界原居民火燒「林門鄭氏」紙公仔及紙棺材，但林鄭依然擺出強硬姿態，貫徹當時「好打得」形象，強調會依法辦事清拆新界村屋僭建物，辣㷫了一大班新界原居民。 然而，今年特首選舉，新界鄉議局27名選委綑綁提名林鄭月娥；而當年清拆事件，最後卻不了了之。 同樣是五年前，當時仍未被踢爆大宅有僭建的特首參選人唐英年，表示應以互諒互讓、以和為貴的精神來解決新界村屋「所謂違規」問題，又批評市建局興建貴樓等，槍口明顯對著林鄭月娥；她則以「公道自在人心」來反擊，與唐英年明顯存有芥蒂。一個月後，唐英年大宅僭建爆煲，如上文所說，村屋僭建沒有被拆，被拆的，是唐英年大宅。 然而，今年特首選舉，唐英年挺身支持林鄭月娥。 又是五年前，梁振英在低民望下撼贏原本大熱的唐英年當選特首，並成功游說本來打算退休的林鄭月娥出任政務司司長，希望可以藉著林鄭當時所謂的「三高」，即高民望、高效率和高政治能力，提高公眾對他的民意與信任，增加他連任的本錢。 然而，今年特首選舉，梁振英早已被DQ，取代他當特首的，是他當年從準備登上赴英飛機上挽留下來的林鄭月娥。