垃圾徵費「真垃圾」?

必也正名乎!垃圾不等於廢物!首先,垃圾可以發電。而外國亦不乏成功例子。即便是大陸,也在積極推動。業務包括垃圾發電,在港上市的中國光大國際(二五七),便被譽為環保股中的龍頭。假如特府決心朝可持續發展這方向走,垃圾發電絕對划算,因為香港永不缺垃圾。 為何香港從不思考化石燃料和昂貴的天然氣以外的發電模式?這個真的不好說。記得早在二○○八年,特府便與大陸簽訂能源合作諒解備忘錄,列明「支持中海油在現有海上天然氣供應基礎上,續簽二十年長期供氣協議,價格按市場原則確定。」 話說回來,環境局日前公布都市固體廢物收費的實施安排,預計最快可於二○一九年下半年實施。不過,雖然擾攘多年,但這個所謂的安排,明顯予人「急就章」之感。不論是落實細節、如何執法,如何關顧綜援家庭,以至「三無大廈」的數量,環境局局長黃錦星均一問三不知。至於如何衡量政策成果,更是諱莫如深。這正是現屆特府「說了再想,做了再算」的一貫思維和行事方針。如此這般的垃圾徵費,也真的很「垃圾」! 有一點可以肯定的是,黃錦星一再強調加派人手,加強執法。如此一來,行政費必然飈升,而到底增加多少,卻又是「木宰羊」!但可以預見的是,結果無異於用價值二百萬的導

詳情

垃圾徵費殺到嚟!想扔少啲垃圾,有咩實際方法?

垃圾徵費方案於日前出爐,並預計於兩年後全面落實。政府在推行整個環保政策的失效自不多說,一方面又不做好教育(有關「污者自付」或者「源頭減廢」等概念對一般市民而言仍是十分陌生)、一方面長期「頭痛醫頭、腳痛醫腳」,例如想條街少啲垃圾就令劉江華個口細啲咁,又或者長期周街放勁多垃圾桶以為方便市民、點知只是助長更多垃圾的產生等等。雖然「垃圾徵費」的確以收費方式變相令大家逼住少啲垃圾,但實情是、「罰」唔「罰」、收唔收你錢都好,環境由頭到尾都要由大家一同保護嘅(只是政府淨是要求收錢唔做好教育,大家自然反感……!)。姑勿論如何,垃圾徵費點都係會殺到埋身,咁有咩方法可以減少啲垃圾呢? 其實,都只是得一個,就是「源頭減廢」。即是點? 在日常生活中,我哋除咗做Recycle之外,其實更重要是Reduce「源頭減廢」,即是你少用啲、自然少垃圾啲啦。以下由淺入深地,講吓九種不同的「源頭減廢」方法: 第一:檢查自己房間的垃圾桶,裡面有咩垃圾;盡量減少該類型的垃圾/進行分類。 呢個方法是「源頭減廢」的第一步。在我而言,以前我的垃圾桶裝得最多的,一定是呻完鼻涕的紙巾同埋零食包裝袋。這一年下來我改用了手巾仔,故此垃圾桶少

詳情

垃圾桶個口細左,你又有無諗過點真正減廢?!

當大家起度鬧爆點解垃圾桶個口細左嘅時候,我想問一句:其實大家根本無諗過將垃圾拎番屋企揼嗎?或者,有無諗過製造少啲垃圾?香港的都市固體廢物真是好嚴重,更加慘的是大家完全無將垃圾拎番屋企揼的意識。正苦為希望大家在街外揼少啲垃圾,「用心良苦」整個口細左既垃圾桶。但是香港正苦在整細垃圾桶個口之前,有無施行相關的教育?有無俾市民(或者教育市民)有第二種選擇?正如不少環團所言,相關的配套與教育是完全缺乏的情況下,你如何要求市民有減廢的意識呢?「減廢」「減廢」,一味得個講字,焗腸呀、膠官呀、甚至正苦,又有無身體力行嘗試認真減廢?!當然,正苦用呢啲緣木求魚的方法要求大家揼少D垃圾都是正一白癡所為,但大家不斷Out of Sight out of Mind、「無眼屎乾淨盲」,垃圾起街出面揼左就當無製造過,咁嘅行為又有幾高尚?!大家行出街,會有一秒諗「哎呀我今日又整左呢件垃圾出黎添」,會唔會咁諗?唔會呀,是唔會呀!因為整個教育體制之中從來無人教育過我地咁做,環保3R中的「Reduce」根本是最少人提,個個只講「Recycle」「Recycle」,大佬呀個個都「Recycle」,邊有咁多資源做「Recycle」呀。要知道「Recycle」是Last resort,而唔是一日到晚都「Recycle」囉。台灣早於1996年,便開始試行「垃圾不落地」政策,即取消原設在街道兩側的垃圾投放點,要求居民將垃圾拎到垃圾收運車停靠點。在固定時間段內,居民直接投放垃圾到垃圾收運車內,而垃圾收運車如同守時的列車,在固定時間抵達、在固定時間駛離。所以,台灣在大街小巷和居民小區幾乎見不到垃圾桶,但城市乾淨整潔,杜絶了亂扔垃圾現象(但是台灣的即棄餐具仍然用得好過份…)(垃圾不落地:https://www.zhihu.com/question/21192499 )。相比起鄰近國家,香港作為文明國家喺呢方面簡直是要以落後去形容!所以,無錯正苦真是好抵鬧,唔做好相關的配套就妄求市民識得減廢,以為整細垃圾桶個口就解決問題,實在可笑。但是,大家都唔好忘記,喺呢件事上真是沒有誰比誰高尚。你問問自己,出街你有無肆意製造垃圾?有無嘗試認真減廢?我講的認真、是真是好認真,諗下一張紙、一張紙巾、一對筷子、一張紙餐墊,是咪真是有必要用?!如果無必要,我地又有無諗過拒絕?!如果我地從來都無咁認真減廢,我地都無資格鬧正苦白癡呀!!所以,我希望大家出街時,唔好只是因為垃圾桶個口細左而減廢,而是因為真是愛護呢個環境而減廢。首先,嘗試拒絕一些無必要的浪費,例如紙餐墊等等(我覺得紙餐墊簡直是人類歷史上最無聊的即棄餐具…)。可以的話,買外賣自備容器和餐具;再進一步,你可以留意一下你垃圾桶最常見是咩:紙巾?膠樽?廢紙?零食袋?一步一步,你就會製造少啲垃圾、甚至出街你都唔會製造垃圾。到你真是試到咁時,我話知你垃圾桶個口大定細其實都唔關我事,因為我根本都唔會起街揼垃圾!應該是咁呀!大家又明唔明呀… 環保 減廢

詳情