日光:香港餐飲不夠環保

九個月前開始了一個實驗——不用外賣發泡膠。在公司飯堂買飯,自備餐盒,買咖啡自備杯裝;到街市買菜,盡量自備盒裝,用過的膠袋清理完再用。讀星期日Workshop話我知,原來這現象叫「裸買」,意即購物時自備盛載的容器,減省包裝。 偶爾行經咖啡店,想喝杯咖啡,可是,一想到部分連鎖咖啡店堂食也端來紙杯,立即打退堂鼓,少用一個即棄杯,減少製造杯和蓋兩件垃圾,而魔鬼在於那個多餘的膠蓋。香港人太習慣,怕麻煩,但近年,環保餐具用品推陳出新,以環保可再生物料製造,例如麵包袋、鋼飲管、摺疊水壺、餐盒,攜帶方便。 對友人提起「裸買」一詞,他無奈地說,「無用架,你帶咁多嘢出街,一個人力量慳省,到頭來,你知道招股書印量是多少嗎?疊起來高過ifc啊。商場大型廣告燈、幻彩詠香江,浪費幾多電?這些一次的消耗已經抵消了你平日省下來的成果。」你出一毫錢的力減廢,但有人出一億元消耗地球資源。你的「毫力」就像薛西弗斯那樣徒勞無功。說到底,更重要是政府政策配合,推動人建立減廢的習慣。 地球超載日(Earth Overshoot Day),今年是八月二日,這是乜東東呢?其實就是每年到超載日那天,意味用光了地球天然資源的年度配額,所

詳情

五十年不變,可以嗎?

一年一度麥記Big Mac Campaign,今年,玩經典。主題係「經典滋味,邁向50年」,查實Big Mac 1967年誕生,今年只係49歲,但係就用咗TVB台慶常見嘅「邁向」講法,提早一年慶金禧。成個campaign,包括TVC、Outdoor同Traymat,細數半個世紀以嚟發生過嘅經典物事,例如人類登月、emoticon誕生、科學家發現DNA等,再以經典襯托經典,帶出年年發生咁多經典事,都有Big Mac陪住你。5 條TVC,都將Big Mac代入不同經典誕生嘅情景去玩,玩得最正嘅,莫過於用巨無霸取代雅達利撞磚game個波;講emoticon 誕生嗰條,用表情符號砌出Big Mac,配樂亦夠晒盞鬼。講真,Big Mac比起廣告上show 嘅大哥大水壺、卡式錄音帶等發明,感覺好似冇咁經典--後者已經塵封退役,而巨無霸,一落街就買得到,因為太手到拿來,比較難同經典劃上等號。人,總係啲嘢失去咗,先至會懂得珍惜。但若大家諗真啲,大哥大、卡式帶,都只係被時代淘汰嘅「一時」經典;一款旗艦漢堡,咁多年嚟冇被市場力量驅趕下架,「醬汁洋蔥夾青瓜」始終如一、五十年不變,其實可以話係比經典,更經典。我哋嘅香港,講就講五十年不變,實際上已經不斷褪色。去到2047年,呢個城市嘅地位,又係咪依然經典?原文及影片見作者facebook ,封面圖片為廣告截圖 廣告 麥當勞

詳情