相田彥一:尋找最新一集蜘蛛俠拍手位

蜘蛛俠Reboot、Reborn、輪迴重生,可憐的實驗室蜘蛛,投胎幾回業報善哉還是注定做一隻變種實驗品,一咬就令「科二代」異稟大能,然後又一大段recap童年時老竇乜乜乜,你唔悶我唔悶「索尼」都悶啦!今集譯名「回歸」乜乜物物,以為又要睇佢入實驗室撳唔知邊個掣打爛邊個樽,意外成為超感官人士,點知驚喜連場觀眾拍晒手,老外第二三四五六次創作又翻它一翻都重見有貨,唔到你唔服。 (以下劇透) 早在Reboot那兩集已經講到成長與身份認同問題,今集再回帶返到學校砌樂高積木玩sit up蒲波場,講怪咖談自信,是意料中事,豈知連IRONMAN都無意理會的大壞蛋,原來是自己個準女朋友個做外判工人判頭的老竇,實在是百年一遇但偏偏老是常出現的情節……不同的是,電影一開波就講明:係政府打橫來,用「國家安全」名義來取締民間辛苦投標得來的工程,可惡的美帝全部白種人一殺入「外星人入侵災後現場」,連片頭時間不到十分鐘就有「抗命」成份──儘管多種族工人判頭已經講明單工程係政府批出,簽晒合約,點會知道美帝政府一殺入場就變相話份合約已經係歷史文件冇現實意義,趕走所有工人,衰過特府賤過共匪。 工人失業怎麼辦?良心判頭為要人人

詳情